أرجوا من المصريين كلهم بلاش إزعاج في الأماكن و المواصلات العامة

أنا أرجوا المصريين كلهم أنهم يبطلوا إزعاج في الأماكن العامة و المواصلات العامة علشان أنا دمي إتحرق خلاص و اكيد فيه زيي كتير ..
لأن بإختصار أنا لما بركب مواصلة عامة أو بقعد في مكان عام و أي حد ربنا يكرمه موبايله يرن و طبعا عامله على اعلى نغمة يطلع الموبايل و يقعد يبص فيه و الموبايل بيقعد يرن و يرن و يسبب إزعاج و البيه لسة بيبص في الموبايل لحد فين ما يقفل أو يرد أو يعمله صامت و الأدهى و الأمر لما واحد موبايله يرن و يسيبه يرن في جيبه .

دة غير اللي بيشغل أغاني على موبايله بصوت عالي و بيزعج الآخرين , لأن للأسف كنت راكب الديزل رايح إسكندرية يوم السبت الماضي و فاتح بذاكر علشان كان عندي إمتحانات تاني يوم الصبح و فيه شخص ربنا يكرمه مشغل أغاني على أعلى حاجة و أنا مش عارف أذاكر :whtauwant: لحد ما روحت قلتله يخفض صوت الموبايل :120146b .

الكلام دة مش موجه لأي عضو من الأعضاء المحترمين لأني واثق من أنكم بتحترموا الآخرين انا بس حبيت أفرغ الغيظ و الضيق :B4_237: اللي عندي بس .

اقتباس:

---

دة غير اللي بيشغل أغاني على موبايله بصوت عالي و بيزعج الآخرين , لأن للأسف كنت راكب الديزل رايح إسكندرية يوم السبت الماضي و فاتح بذاكر علشان كان عندي إمتحانات تاني يوم الصبح و فيه شخص ربنا يكرمه مشغل أغاني على أعلى حاجة و أنا مش عارف أذاكر :whtauwant: لحد ما روحت قلتله يخفض صوت الموبايل http://www.nilemotors.net/nile/image...653%5b1%5d.gif .

---

في المترو خصوصا تلاقي واحد فرحان بموبايل صيني من أبو إريال و مشغل نشاز بسماعات الموبايل حاجه تعل

الموضوع ده في كل مكان حتي الناس و هي مشيا بقت تشغل اغاني بي اعلي صوت رجالة و ستات و في الاتوبيس سعات بيبقي مولد كل واحد مشغل حاجة مش عارف بقي فعلا شي مزعج خلاص سماع الاغنية مش بيحلي غير في الشارع :11::L_bhuhhh[1]:

و لما يكون اتنين عمالين يتكلمو في الكوره بصوت عالي و حيتخانقو عشان مين جاب نقطه و مين جاب جول احسن !! :s :s

يا ريتها جت عالأغاني .. أمال الشباب الروش اللي مبيحبش يسب الملة و العلة إلا في وسط الناس و يهزروا بأحلي الشتايم .. ولا حتي راجل كبير يبقي راكب مواصلة و واحد يكلمه يقوله حاجة تنرفزه عالموبايل يقوم يفتح وصلة شتايم !

أنا نفسي اعرف إيه السبب في الكلام دة ..
لما واحد بيعمل كدة بيفتكر الناس كلها عايزة تعمل زيه ولا إيه مش فاهم
ارجوكم فهموني

الناس اللى بتمسك الموبايل وتعد مشغلاه وتسمع الناس اللى حواليها دى بصراحه بالنسبالى اقذر فئه فى الشعب وتنتمى ل فئه الشباب السيس البيئه فى ان واحد ...!!
وياريتها اصلا حاجات عدله اللى بيشغلوها .. اللى يشغلك البطيخ البطيخ اصفر ازرق مش عارف جابوله الالوان دى منين و العنب والسمك والبلح مش عارف ايه الهبــــــــــل ده !!!!!!!!!!
ولا اغنيه يعد يقولك جوجو جوجو جوجو !!!

ما كل واحد يجيبله هاندفرى ويشغلها ويسمع ف ودانه وخلاص هو احنا لسه نسمع معاه غصب .. لازم نحارب الظاهره القذره دى

حسبى الله ونعم الوكيل

و كمان في المناطق الشعبية تلاقي الواحد فيهم بيتكلم و خصوصا الستات بيسمعوا الشارع كله و هما بيتكلموا

و الله العظيم انا ساعات بقفش مع صحابي بسبب الموضوع ده ..

اول ما موبايلى بيرن بعمله Silent على طول سواء هرد او لا , اذا كنت فى البيت او بره , لما الاقى حد من صحابي موبايله بيرن و هو قاعد بيتفرج عليه ساعات بكنسل انا علشان يحرم يعملها تانى ..

و لما اركب مترو الاقى واحد سمع اخر العربية هو بيتكلم فى ايه , و ازى العيال و امهم و هكذا .

انا اصلا بطبيعتى بكره الصوت العالى و بتجنن لما الاقى حد بيكلمنى و صوته عالى :(

فانا اضم صوتى لصوتك و ارجوكم بلاش ازعاج ..

اركب مترو الانفاق وانت تشوف بيعملوا اية مش واحد لا دا 100 وكل واحد مشغل اللى على مذاجة قران واغانى وصوت قطة وكلب ولا جنينة الحيوانات بالظبط وهزار رخم حاجة بحجد تخنق دا غير اللى بيشغل عمرو دياب والتانى ينافسة ويشغل تامر والاتنين بقى يعلو يروح الثالث مشغل اغانى شعبة انا شارب سيجارة بنى الكلام دة الساعة 8 الصبح

أنا لو بإيدي أمنع إستخدام الموبايل في الأماكن العامة !
كان يوم أسود يوم ما دخل مصر

هقول ايه بس هقعد اشتم واقول عقد نفسيه هاخد ذنوب
يلا ربنا يهدي

اقتباس:

---

المشاركة الأصلية كتبت بواسطة chicobon

حتي الناس و هي مشيا بقت تشغل اغاني باعلي صوت رجالة و ستات ، في الاتوبيس سعات بيبقي مولد كل واحد مشغل حاجة :11::L_bhuhhh[1]:

---

شعب سعيد ... :wink:

اقتباس:

---

المشاركة الأصلية كتبت بواسطة حاتم سليم

شعب سعيد ... :wink:

---

اه فعلا :B4_556:
حتي من كتر مافرحوا:stink[1]:

بجد الموضوع دة بقي فعلا صعب اوي
و الواحد بيتحرج انه يكلم حد جنبه يقوبه ممكن الصوت شوية
و المشكله ان في ناس بيبقي معاها هاند فري و مع ذلك مشغل الصوت علشان يسمعك هو بيسمع ايه
و الاخوة بتوع الرنات العاليه و يسيب اللي بيتصل لحد الاخر علشان يرد لانه لازم يسمعك الاغنيه كامله
بجد ثقافه حرمان ملهاش حل

يا جماعه ماتنسوش ان احنا شعب مستهلك
خلى الصين تفرح وتبيع والشباب يصرف فلوس ابوه اللى طالع عينه فى الشغل على الهبل
( واحب اسمع اغنيه البلح البلخ البلح
وياريت تبقى رنتك على اسم حضرتك )

المشكلة فى التربية والتعليم
وقلة الذوق المتداولة


والسبب انتوا عارفينه خلوا الناس مش مهتمية الا بشهوتها

اقتباس:

---

المشاركة الأصلية كتبت بواسطة zaza_lanos

المشكلة فى التربية والتعليم
وقلة الذوق المتداولة

---

ياباشا الى يزعلك كهربو طبعا انت فاهمنى :,:

دا بيبقى يوم صداع من اوله يوم ما اركب المترو :_Alshmokh08[1]:
كل واحد مشغل اللي على مزاجو ومحدش منهم سامع حاجه واحنا في النص لا حول لنا ولا قوه
انا مرره كنت راكب ميني باص وكان في واحد مطلع موبايلو ومشغل عنب وحوارات وانا كنت مخنوق جداً وهو حس ان انا مخنوق قام بصلي ببرود ومعلي الصوت!!! فقلتله الف مبروك عالعده يا برنس (بكلمه بلغته) قام قالي انت بتتريق وقعد يزعق ويقولي لما تعرف تشيل زيها ابقى اتريق (والمشكله انه موبايل صيني اصلاًيعني آخره 600جنيه)
لحد ما وقف زعيق ونزل محطته وريحني وريح الركاب كلهم .

اقتباس:

---

المشاركة الأصلية كتبت بواسطة mostafa_elhussain

دا بيبقى يوم صداع من اوله يوم ما اركب المترو :_alshmokh08[1]:
كل واحد مشغل اللي على مزاجو ومحدش منهم سامع حاجه واحنا في النص لا حول لنا ولا قوه
انا مرره كنت راكب ميني باص وكان في واحد مطلع موبايلو ومشغل عنب وحوارات وانا كنت مخنوق جداً وهو حس ان انا مخنوق قام بصلي ببرود ومعلي الصوت!!! فقلتله الف مبروك عالعده يا برنس (بكلمه بلغته) قام قالي انت بتتريق وقعد يزعق ويقولي لما تعرف تشيل زيها ابقى اتريق (والمشكله انه موبايل صيني اصلاًيعني آخره 600جنيه)
لحد ما وقف زعيق ونزل محطته وريحني وريح الركاب كلهم .

---

ما هو ده اللي يحير
يعني الواحد لما يشوف حاجه زي كده لو اعترض على الشخص ده مش هيسلم من الزعيق وممكن توصل لخناقة ولو معترضش بيفضل دمة محروق
بصراحة انا مش عارف الواحد يعمل اية والكلام ده مش بس في الموبايلات وتشغليها بصوت عالي بس لا ده بقي فيه قلة ذوق وعدم مراعاه للشعور منتشرة جدا بين الناس
انا مش عارف لية الناس بقت مش بتراعي بعضها يعني لو انت واقف او قاعد حتى في اتوبيس او مترو اوراكب ميكروباس بتلاقي واحد لازق فيك ومريح بكتفة عليك
طب لية يعني كده انا مش فاهم بس هو عقليته انة ياخد اكبر مساحة ممكن ياخدها وخلاص مش مهم بقي اللي جنبة قرفان منة ومن ريحة عرقة ولا لا
ولو انت ماشي بعربيتك في امان الله بتلاقي واحد كده بمنتهى اللامباللاه كاسر عليك مرة واحدة وطالع منك بمنتهى الغباء مع انة مش سواق ميكروباس يعني ولا حاجه كنت عذرتة وقلت هى دي اخلاقهم اساسا وواحد تاني واخد شمالة وماشي براااااااحة وطظ في باقي الناس
بصراحة انا مش عارف الناس لية بقت كده
ربنا يهدينا ويهدي الناس

الموضوع ده مزعج جدا
وللأسف ملوش حل
لأن دي بقى سلوكيات متأصلة مستوطنة في البني آدم المصري
وقيس على كده كل السلوكيات التانية والاخلاق والعادات والتقاليد في انحدار
والتدين الزائف
اعتقد اللي يعيش في البلد دي لسه هايشوف كتييير :ma(30):

الحقيقة انا مش عارف ازاي ممكن يحصل ان طالب جامعـــــــــــــــــي يكون ماشي داخل الحرم الجامعي و مشغل "قمامة" من اللي بيسمعوه دا و معلي الصوت على الآخر و محدش بيقولوا انت بتعمل اية؟؟

و ربي المعبود انا لو المسؤول عن التعليم لتكون النوعية دي من "البشر" انقرضوا اصلاً من التعليم خالص (عاليه و واطيه)

العقلية اللي داخلة الجامعة تتمشي و معلية الزفت "العدة" الصيني عالآخر و مشغلة العنب العنب ولا اي حاجة من القرف دا داخلة تهبب اية في الجامعة بجد ؟؟

اقتباس:

---

المشاركة الأصلية كتبت بواسطة successcre8or

الحقيقة انا مش عارف ازاي ممكن يحصل ان طالب جامعـــــــــــــــــي يكون ماشي داخل الحرم الجامعي و مشغل "قمامة" من اللي بيسمعوه دا و معلي الصوت على الآخر و محدش بيقولوا انت بتعمل اية؟؟

و ربي المعبود انا لو المسؤول عن التعليم لتكون النوعية دي من "البشر" انقرضوا اصلاً من التعليم خالص (عاليه و واطيه)

العقلية اللي داخلة الجامعة تتمشي و معلية الزفت "العدة" الصيني عالآخر و مشغلة العنب العنب ولا اي حاجة من القرف دا داخلة تهبب اية في الجامعة بجد ؟؟

---

الله يرحم أيام ما كان طالب الجامعة بيلبس طربوش
دلوقتي كله رايح الجامعة يهيص و يصهلل و لا علم و لا يحزنون

اقتباس:

---

المشاركة الأصلية كتبت بواسطة mxz911

الناس اللى بتمسك الموبايل وتعد مشغلاه وتسمع الناس اللى حواليها دى بصراحه بالنسبالى اقذر فئه فى الشعب وتنتمى ل فئه الشباب السيس البيئه فى ان واحد ...!!
وياريتها اصلا حاجات عدله اللى بيشغلوها .. اللى يشغلك البطيخ البطيخ اصفر ازرق مش عارف جابوله الالوان دى منين و العنب والسمك والبلح مش عارف ايه الهبــــــــــل ده !!!!!!!!!!
ولا اغنيه يعد يقولك جوجو جوجو جوجو !!!

ما كل واحد يجيبله هاندفرى ويشغلها ويسمع ف ودانه وخلاص هو احنا لسه نسمع معاه غصب .. لازم نحارب الظاهره القذره دى

حسبى الله ونعم الوكيل

---

+1111111111111111111111111111111111

الموبايلات الصينى هى التطور الطبيعى للكاسيت الكبييير اللى نفس الكائنات دى كانت بتشيلوا على الكورنيش زمان

اقتباس:

---

المشاركة الأصلية كتبت بواسطة mohamed_momi88

بجد ثقافه حرمان ملهاش حل

---

فعلا هي ثقافة حرمان .. احييك على المصطلح دة

و كمان السواقين لما بتاخدهم الجلالة و يشغلوا اغانيهم المفضلة و يعلوها عالآخر و ميبقاش سامع الركاب لما حد يقوله انا نازل هنا
حصلت مرة معايا في عربية الشغل .. و انا كنت حاطط الهاند فري في ودني و بسمع اغاني .. فجأة لقيت سماعات العربية مغطية على صوت الهاند فري ... و الجماعة اللي في العربية كلهم هايصين مع الصوت العالي
قمت شخط فيهم كلهم و كنت هاتخانق معاهم .. راح السواق طافي الكاسيت و الناس كشوا مني و سكتوا
اصل اخوكم جتة شوية :shyy:

فئة من الفئات اللي هتكون في اختياراتي لو كان القتل مسموح

اقتباس:

---

المشاركة الأصلية كتبت بواسطة abo_hosni

فئة من الفئات اللي هتكون في اختياراتي لو كان القتل مسموح

---

:,::,::,::,::,::,:
:M_yes[1]::M_yes[1]:

اقتباس:

---

المشاركة الأصلية كتبت بواسطة Lord_Fouad

فعلا هي ثقافة حرمان .. احييك على المصطلح دة

---

+1

أنا من رأئي يعملو عقوبة للناس دي بتركيب سماعتين صب في ودانهم و تشغيلها لمده تلت ايام